Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Վերջին 12 տարվա ընթացքում Իսրայելն առաջին անգամ կոալիցիոն կառավարություն է կազմել առանց վարչապետ Բինյամին Նեթանյահուի «Լիկուդ» կուսակցության: «Եշ Ատիդ» կուսակցության առաջնորդ Յաիր Լապիդը Իսրայելի նախագահ Ռեուվեն Ռիվլինին տեղեկացրել է, որ համաձայնագիր է ստորագրել մի քանի կուսակցությունների հետ. հայտնում է The Times of Israel-ը:
Ձեռք բերված պայմանավորվածությունների՝ «Յամինա» կուսակցության ղեկավար Նաֆթալի Բենեթը կդառնա վարչապետ: Նա այս պաշտոնում կմնա մինչև 2023 թվականի սեպտեմբերը: Այնուհետև, մինչ 2025 թվականի նոյեմբերը (նախքան խորհրդարանի լիազորությունների ժամկետի ավարտը), Լապիդը կգլխավորի կառավարությունը:
Այժմ կոալիցիոն կառավարության կազմը պետք է հաստատվի նախագահի և Կնեսետի (Իսրայելի խորհրդարան) կողմից:
Ավելի վաղ Իսրայելի խորհրդարանը երկրի նոր նախագահ էր ընտրել Յիցակ Հերցոգին: Իր առաջին հետընտրական ելույթում նա հայտարարել է, որ մտադիր է «կամուրջներ կառուցել» իսրայելական հասարակության ներսում և ամրապնդել կապերը հրեական սփյուռքի հետ, խրախուսել ձեռնարկատիրությունը, «պայքարել հակասեմիտիզմի և Իսրայելի նկատմամբ ատելության դեմ» և «պահպանել ժողովրդավարության հիմքերը»: