Ավետ Ադոնցին իշխանությունները համոզում են հետ վերցնել դիմումը՝ խոստանալով նախարար նշանակել․ «Հրապարակ»

«Հրապարակ» թերթը գրում է. «Նիկոլ Փաշինյանի «փոխշահավետ» առաջարկը կարող է պետական համակարգը փլուզել։ Ոչ միայն ԱԳՆ-ում է բունտ հասունացել, այլեւ՝ ուժայիններում՝ ՊՆ, ԱԱԾ, որտեղ պաշտոնանկությունների շքերթ է սպասվում։ Այստեղ մտահոգված են բանակը սահմանից հետ քաշելու եւ դիտորդներ տեղակայելու մտքից։

Երեկ տեղեկացանք, որ դիմումներ են գրել նաեւ ԱԳ փոխնախարար Գագիկ Ղալեչյանն ու Արտակ Ապիտոնյանը։ Իսկ Ավետ Ադոնցին իշխանությունները համոզում են հետ վերցնել դիմումը՝ խոստանալով նախարար նշանակել: Դեսպանների շրջանում էլ հրաժարականներ չեն հաջորդում միայն այն պատճառով, որ դիվանագետների ներքին վարքականոնը դա արգելում է՝ գոնե առայժմ»: