Վրաստանում մայիսի 13-ից սահմանափակումները կվերացվեն

Վրաստանում մայիսի 13-ից կրթական և ուսումնական հաստատությունները, ինչպես նաև քաղաքային տրանսպորտը կսկսեն աշխատել սովորական ռեժիմով. այս որոշումն ընդունվել է միջգերատեսչական համակարգող խորհրդի այսօրվա նիստում, որն անցկացվել է Վրաստանի վարչապետ Իրակլի Ղարիբաշվիլիի ղեկավարությամբ:

Այսօրվա նիստում խորհուրդը քննարկել է պատվաստումների գործընթացի ակտիվացումը առավելագույնի հասցնելու ուղիները: Այդ նպատակով կավելացվեն պատվաստումների սենյակների քանակը և, համապատասխանաբար, պատվաստումների խմբերը:

Այս փուլում 21: 00-ից 05:00-ն տեղաշարժման սահմանափակումն ուժի մեջ է:

Խորհուրդը վերահսկում է առկա համաճարակաբանական միտումները, և, համաճարակաբանական իրավիճակին համապատասխան, դիտարկվելու է մեղմիչ կանոնակարգերի հնարավորությունը: