Մայիսի 2-ից Լիտվայում վերացվել են կորոնավիրուսի պատճառով ներդրված գրեթե բոլոր սահմանափակումները

Լիտվայի իշխանությունները երկուշաբթի օրվանից վերացրել են գրեթե բոլոր կորոնավիրուսային սահմանափակումները։ Կիրակի օրը երկիրը դադարեցրել է COVID-19-ի տարածման պատճառով սահմանված արտակարգ ռեժիմը, որը տեւեց գրեթե երկու տարի, երկուշաբթի հաղորդել է BNS-ը։ Այժմ բոլոր հասարակական վայրերում խորհուրդ է տրվում դիմակ կրել։ Բացառությունները վերաբերում են միասյն հիվանդանոցներին, ծերանոցներին, որտեղ դրանք պարտադիր են մնում այցելուների համար։

Կորոնավիրուսով հիվանդներն այլեւս հարկադիր մեկուսացման չեն ենթարկվի: Ինքնամեկուսացվել ստիպված չեն լինի նաեւ հիվանդի հետ շփված ճանապարհորդները:

Լիտվա ժամանողների համար COVID-19-ի հետ կապված այլեւս որեւէ պահանջ չկա. նրանք ստիպված չեն լինի թեստ հանձնել նախքան ճանապարհորդելը եւ լրացնել Հանրային առողջության ազգային կենտրոնի հարցաթերթիկը: