Արդարադատության նախարարության տեսչական որոշ գործառույթներ կվերացվեն

Այսօր` կառավարության նիստից առաջ, վարչապետ Կարեն Կարապետյանը հանձնարարեց ՀՀ արդարադատության նախարարին` երկշաբաթյա ընթացքում ներկայացնել նախագծերի փաթեթ, որոնց համաձայն` դադարեցվում են արդարադատության նախարարության աշխատակազմի օրինականության վերահսկողության տեսչության լիազորությունները, վերացվում են արդարադատության նախարարության կողմից իրականացվող` արհեստակցական կազմակերպությունների, կրոնական կազմակերպությունների և կուսակցությունների գործունեության տեսչության գործառույթները, իսկ մնացած տեսչական կազմակերպությունների գործունեության վերահսկողության, ստուգումների անցկացման գործառույթը վերապահվում է ՊԵԿ-ին:

ՀՀ արդարադատության ներքին խնդիրների պատշաճ իրականացման համար անհրաժեշտ վերահսկողական գործառույթները վերապահվում են արդարադատության նախարարության աշխատակազմի վերահսկողության ծառայությանը: