Ղարաբաղում զինադադարը նախագծեր իրականացնելու և հարաբերությունները կարգավորելու լավ հնարավորություն է, եթե Հայաստանը դրական արձագանքի. Չավուշօղլու

Թուրքիայի արտաքին գործերի նախարար Մևլյութ Չավուշօղլուն Քուվեյթի իր գործընկերոջը տեղեկացրել է Կենտրոնական Ասիայում, Հարավային Կովկասում և Ղարաբաղում տեղի ունեցած իրադարձությունների մասին:

Թուրքիայի արտաքին գործերի նախարարն անդրադարձել է այս հարցերին Քուվեյթի արտաքին գործերի նախարար, շեյխ Ահմեդ Նասիր Մուհամեդ ալ Սաբահի հետ համատեղ մամուլի ասուլիսում:

«Ղարաբաղում հրադադարը լավ հնարավորություն է: Տարածաշրջանում բարեկեցություն ապահովելուն զուգահեռ`մենք հնարավորություն ունենք իրականացնելու կարևոր նախագծեր և կարգավորելու հարաբերությունները: Եթե Հայաստանը դրան դրականորեն արձագանքի, ապա Հարավային Կովկասը հետագայում կարող է դառնալ խաղաղության և կայունության տարածաշրջան»,- ասել է նա: