Իրանը միջուկային գործարքի միջոցով բարելավել է հարաբերությունները Ռուսաստանի հետ. Զարիֆ

Համատեղ գործողությունների համապարփակ ծրագրի (JCPOA) ստորագրումը նպատակ ուներ ոչ միայն բարելավելու հարաբերությունները արևմտյան երկրների հետ, այն նաև նպաստել է հարաբերությունների բարելավմանը այլ երկրների, այդ թվում`Ռուսաստանի և Չինաստանի հետ: Այս մասին չորեքշաբթի հայտարարել է Իրանի արտաքին գործերի նախարար Մոհամադ Ջավադ Զարիֆը ClubHouse սոցիալական ցանցում կայացած մամուլի ասուլիսում:

«Մինչև 2015-ի հուլիսը Մոսկվան երբեք Ալ Քուդսի ուժերի հրամանատար Ղասեմ Սոլեյմանիին Ռուսաստան չէր հրավիրել: Սոլեյմանիի առաջին հրավերը միջուկային գործարքի կնքումից մի քանի օր անց էր»,- ասել է նա:

Դիվանագետի խոսքով՝ «սա նշանակում է, որ JCPOA-ն լուծում էր խնդիրը Արևմուտքի երկրների հետ նույն չափով, ինչ Արևելքի երկրների հետ»:

Նա հավելել է, որ միջուկային գործարքի ստորագրումից երկու տարի առաջ Իրանը Չինաստան էր ուղարկել ռազմավարական հարաբերություններ հաստատելու հարցում: «Մինչև 2015 թվականը նրանք մեզ չէին պատասխանում, քանի որ, նախորդ բանաձևերի համաձայն, նրանց թույլ չէին տալիս»,- ասել է Զարիֆը: