Իրանը բանակցություններ կվարի ԱՄՆ-ի հետ միջուկային գործարքի շրջանակներում

Թեհրանը Վաշինգտոնի հետ բանակցելու է միայն միջուկային գործարքի շրջանակներում և վնասի փոխհատուցման վճարման հարցում. այս մասին հայտարարել  է Իրանի նախագահ Հասան Ռոհանին:

«Մենք միշտ պատրաստ ենք, բայց հենց որ ԱՄՆ-ն ասի, որ վերադառնում է իրավունքի իրացմանը, նրանք կհայտարարեն, որ վերադառնում են ՄԱԿ-ի բանաձևի դրույթների կատարմանը և Համատեղ գործողությունների համապարփակ ծրագրով նախատեսված իրենց պարտավորությունների կատարմանը, վերադառնում են «վեցյաի». – ասել է Ռոուհանին:

«Մեր դիրքորոշումը շատ պարզ է. Նրանք պետք է ենթարկվեն օրենքին, ներողություն խնդրեն և հատուցեն Իրանին պատճառած վնասը, փոխհատուցում վճարեն», - հայտարարել է  նախագահը։

Ավելի վաղ, Ռոհանին նշել էր, որ Իրանը ԱՄՆ պատժամիջոցների պատճառով կորցնում է մոտ 50 միլիարդ դոլար, ինչը համեմատելի է նախորդ տարվա երկու բյուջեների հետ:

2015-ին «Վեցնյակը» (Մեծ Բրիտանիա, Գերմանիա, Չինաստան, Ռուսաստան, ԱՄՆ, Ֆրանսիա) և Իրանը հայտարարեցին Համատեղ գործողությունների համապարփակ ծրագրի ձեռքբերման մասին: Համաձայնագիրը նախատեսում էր պատժամիջոցների վերացում՝ Իրանի միջուկային ծրագրի սահմանափակման դիմաց: Գործարքն իր սկզբնական տեսքով չի գոյատևել նույնիսկ երեք տարի։ 2018 թվականի մայիսին Միացյալ Նահանգները հայտարարեց դրանից միակողմանի դուրս գալու և իսլամական հանրապետության դեմ խիստ պատժամիջոցների վերականգնման մասին: Իրանը հայտարարեց համաձայնագրով ստանձնած պարտավորությունների կրճատման մասին: