Եթե Շարժումը հայտարարի պլան Բ, ես համոզված եմ, որ կգնանք այդ ճանապարհով, չենք երկմտի. Արմենուհի Կյուրեղյան. news.am

Օր օրի այս շարժումը թափ է առնում, եւ այդպես էլ պետք է լիներ. Մենք այստեղ ենք ԱԺ մուտքերը փակելու գործընթացի համար, որովհետեւ մեր երկիրը խորհրդարանական երկիր է, եւ առաջնային մանդատը ԱԺ-ինն է: Այս մասին Դեմիրճյան փողոցում լրագրողների հետ զրույցում նշեց ՀՅԴ անդամ, ԱԺ նախկին պատգամավոր Արմենուհի Կյուրեղյանը:

«Մենք պետք է այստեղ մնանք այնքան, քանի դեռ ԱԺ-ի այդ 88 «ուսապարկերը» չեն հասկացել, որ իրենք են որոշում կայացնողը: Մարդիկ պետք է հասկանան, որ իրենք վարչապետ ընտրել են, բայց պարտավոր չեն վարչապետի հրամանները կատարել: Ես հույս ունեմ, որ այս շարժումը, լայն թափ ստանալով, այդ «ուսապարկերից» ոմանց դուրս կբերի այդ «ուսապարկային» վիճակից»,- ասաց նա: