Թուրքիայում իրանցի դիվանագետ է ձերբակալվել

Ըստ Sabah թերթի՝ Ստամբուլում Իրանի հյուպատոսարանի աշխատակիցը ձերբակալվել է 2019 թվականին Մասուդ Մոլավի Վարդանջանիի սպանության կազմակերպչին օգնելու համար: 43-ամյա Մուհամեդ Ռեզա Նասերզադեն մեղադրվում է սպանության ենթադրյալ կազմակերպիչ Ալի Էսֆանջանիի համար ճանապարհորդական փաստաթղթեր կեղծելու մեջ՝ նրան Իրան տեղափոխելու համար:

Վարդանջանին գնդակահարվել էր Աբդուլուահապ Քոչակի կողմից 2019 թվականի նոյեմբերի 14-ին՝ Ստամբուլի Շիշլի թաղամասի փողոցներից մեկում: Նա իրանական հետախուզության նախկին սպա էր՝ մինչ Թուրքիա տեղափոխվելը, և սոցիալական լրատվամիջոցներում  «խաչակրաց արշավանք» էր նախաձեռնել`բացահայտելու համար իրանցի պաշտոնյաների հետ կապված կոռուպցիաները:

Նասերզադեի անունը հայտնվել է այն ժամանակ, երբ Սիավաշ Աբազարի Շալամզարին, որը կասկածվում է սպանությունից հետո Էսֆանջանիին Իրան փախչել օգնելու մեջ, վկայություն է տվել: Դատարանն այս շաբաթվա սկզբին Նասերզադեի նկատմամբ ձերբակալման օրդեր է տվել: Հյուպատոսության քաղաքացիական կացության ակտերի գրանցման բաժնում աշխատող դիվանագետը իր ցուցմունքում նշել է, որ սպանության պահին ինքը Թուրքիայում չի եղել և չի ճանաչում Էսֆանջանիին կամ գործով մյուս կասկածյալներին:

Սպանությունից հետո 13 կասկածյալ է ձերբակալվել, նրանցից ութը բանտարկվել են: