Բայդենը մատնանշել է ԱՄՆ–ի հիմնական մրցակցին

ԱՄՆ նախագահ Ջո Բայդենը հայտարարել է, որ Չինաստանը ԱՄՆ նոր վարչակազմի հիմնական մրցակիցն է: Այս մասին նա ասել է պետդեպարտամենտում ելույթի ժամանակ. հայտնում է ՏԱՍՍ-ը:

Բայդենը նշել է, որ ԱՄՆ-ը բախվում է «վերահաս ավտորիտարիզմի» և ՉԺՀ աճող հավակնություններին: Նա նաև հավելել է, որ, այնուամենայնիվ, Միացյալ Նահանգների վարչակազմը պատրաստ է համագործակցել Չինաստանի հետ, եթե դա բխի իր շահերից: Բայդենը շեշտել է, որ Չինաստանը տնտեսական ոլորտում «քանդող» է:

Ավելի վաղ Սպիտակ տան խոսնակ Ջեն Փսակին հայտարարել էր, որ Բայդենը կվերանայի Չինաստանի հետ հարաբերությունները: «Բոլոր այն քայլերը, որոնք ձեռնարկվել են նախորդ վարչակազմի կողմից, ներկայումս վերանայվում են ազգային անվտանգության նկատմամբ մեր մոտեցման տեսանկյունից»,- ասել էր նա: