ՄԱԿ-ը հրապարակել է հույն-եգիպտական ԲՏԳ սահմանազատման համաձայնագիրը

ՄԱԿ-ը հրապարակել է հույն-եգիպտական բացառիկ տնտեսական գոտու սահմանազատման համաձայնագիրը։ Դա նաև վերջին չորս տասնամյակների ընթացքում Հունաստանի և հարևան երկրի միջև ծովային գոտիների սահմանազատման առաջին հրապարակված գործարքն է:

Օգոստոսի 6-ին Հունաստանի և Եգիպտոսի Արաբական Հանրապետության միջև ստորագրվել է համաձայնագիր ծովային սահմանների մասնակի սահմանազատման մասին։

Համաձայնագիրը հրապարակվել է հինգշաբթի ՄԱԿ-ի օվկիանոսի հարցերի և ծովի իրավունքի բաժնում կազմակերպության իրավական հարցերի գրասենյակի կողմից:

Այս համաձայնագիրը նախատեսում է բացառիկ տնտեսական գոտու ստեղծում Արևելյան Միջերկրական ծովում, որը երկու երկրներին իրավունք է տալիս տարածաշրջանի բնական պաշարների նկատմամբ:

Հունական դիվանագիտական աղբյուրներ նշել են, որ այս գործողության կարևորությունն արագության մեջ է, և որ Թուրքիայի քաղաքացի Վոլքան Բոզքըրը ՄԱԿ-ի Գլխավոր ասամբլեայի նախագահն է։

Ըստ նրանց՝ ՄԱԿ-ի այս համաձայնագրի հրապարակումը, զուգորդված 2019-ի նոյեմբերին Թուրքիայի և Լիբիայի ԱՀԿ-ի միջև ստորագրված համաձայնագրի հրապարակման հետաձգմամբ, արտաքին գործերի նախարար Նիկոլաոս Դենդիասի երկարատև ջանքերի արդյունք է: Դիվանագետը մշտական կապի մեջ է ՄԱԿ-ի գլխավոր քարտուղար Անտոնիո Գուտերեշի հետ: