Օբամայի վարչախումբը հիասթափված է եգիպտական ընտրություններից

Եգիպտոսի իշխող Ազգային Ժողովրդավարական կուսակցությունը երկրի խորհրդարանի ընտրությունների առաջին փուլի արդյունքում խորհրդարանում ստացել է 217 տեղ:

Ընդդիմադիր կուսակցությունները 508 տեղանոց խորհրդարանում քիչ մանդատներ են ստացել: Հիմնական ընդդիմադիր «Մահմեդական եղբայրություն» դաշինքը, որ նախորդ ընտրություններում ստացել էր 88 տեղ, այս ընտրություններում խորհրդանան չի անցել:

«Մահմեդական եղբայրության» դաշինքի թեկնածուներն առաջադրվել են որպես անկախ թեկնածուներ, քանի որ կղերական կուսակցությունների գործունեությունը երկրում արգելված է:

CNN-ի փոխանցմամբ, Երեկ. Բարակ Օբամայի վարչախումբը քննադատել է ընտրությունները՝ նշելով, որ «բազմաթիվ ընտրախախտումներ արձանագրվել», ինչը հակասում է «Սահմանադրության հիմնարար սկզբունքներին»:

Ազգային անվտանգության խորհրդի խոսնակ Մայք Հեմըրը արձանագրությունները «մտահոգիչ» է անվանել և ասել է, որ ԱՄՆ-ն «հիասթափված է»:

 Եգիպտական ընտրությունների հանձնաժողովի խոսնակն ասել է, որ հանձնաժողովը բազմաթիվ բողոքներ է ստացել: Դժգոհությունները ներառել են զանգվածային անկարգություններ, խարդախություն և փաստաթղթերի կեղծում, քաղաքացիներին իրենց ձայնի իրավունքի մերժում և լրատվամիջոցների առջև ծառացած դժվարություններ: Զանգվածային անկարգություններ են եղել 16 ընտրատարածքներում: