Թուրքիայի դեսպանը կանչվել է Իրանի արտգործնախարարություն

Իրանը Թուրքիայի դեսպանին խնդրել է ասել Էրդողանին, որ կայսրությունների և նվաճումների դարաշրջանն անցյալում է։ Իրանի արտգործնախարարության խոսնակ Սայիդ Խաթիբզադեն հայտարարել է Թուրքիայի դեսպանի կանչման մասին՝ ի պատասխան Թուրքիայի նախագահ Ռեջեփ  Թայիփ Էրդողանի՝ Բաքու կատարած այցի ընթացքում արած միջամտության և անընդունելի արտահայտությունների:

Արտաքին գործերի նախարարության խոսնակը հավելել է. «Թուրքիայի դեսպանին ասվել է, որ Իրանի Իսլամական Հանրապետությունը թույլ չի տալիս որևէ մեկին՝ միջամտել իր տարածքային ամբողջականությանը և, ինչպես վկայում է նրա փառավոր պատմությունը, նա ոչ մի քայլ չի նահանջի իր ազգային անվտանգության պաշտպանության հարցում»: