ՏԵՍԱՆՅՈՒԹ․ ԱԱԾ-ն ՀՅԴ շենքում է․ նրանք բերման ենթարկեցին ՀՅԴ Հայաստանի ԳՄ ներկայացուցիչ Իշխան Սաղաթելյանին

Այս պահին ԱԱԾ աշխատակիցները ՀՅԴ Հայաստանի ԳՄ շենքում են։ Նրանք ներխուժել են ԳՄ ներկայացուցիչ Իշխան Սաղաթելյանի աշխատասենյակ, որտեղ նրա և ԳՄ այլ անդամների հետ որոշ ժամանակ խոսելուց հետո Իշխան Սաղաթելյանին բերման են ենթարկել ԱԱԾ։ 

Մինչ այդ նրանց խմբի ղեկավարը ներկայացել է, որ ինքը ԱԱԾ-ից փոխգնդապետ Սարգսյանն է և հրավիրում է ՀՅԴ Հայաստանի ԳՄ ներկայացուցիչ Իշխան Սաղաթելյանին ԱԱԾ։

Նա ասել է, որ չգիտի ինչ կարգավիճակով է հրավիրում, ինքը կատարում է հրաման։

Գրավոր ծանուցում նա չի ունեցել։

"Ես հիմա կգամ, բայց խոստանում եմ, որ վաղը գալու ես Նիկոլի հետևից",-գնդապետ Սարգսյանին ասաց Իշխան Սաղաթելյանը։

Մանրամասները կտեղեկացնենք առաջիկայում։