Այս պահին Երևանում sett-weather
Փոխարժեքներ 04 04 2025
USD ⚊ $ 391.32
EUR ⚊ € 432.53
RUB ⚊ ₽ 4.6652
GBP ⚊ £ 514.27
GEL ⚊ ₾ 141.78
կարևոր
0 դիտում, 2 տարի առաջ - 2022-05-28 20:26
Քաղաքական

ՏԵՍԱՆՅՈՒԹ․ Զոյա Սանոսյանը ոսկեդրամներ հանձնեց Իշխան Սաղաթելյանին, որը փոխանցեցին ՀՅԴ թանգարան

70-ամյա Զոյա Սանոսյանը տոհմային 14 ոսկեդրամներ հանձնեց ՀՅԴ Հայաստանի ԳՄ ներկայացուցիչ Իշխան Սաղաթելյանի ու ՀՅԴ անդամ Գեղամ Մանուկյանի տնօրինությանը՝ ըստ Yerkir.am-ի այս մասին հայտարարվեց Ֆրանսիայի հրապարակում «Դիմադրություն» շարժման մայիսքսանության հանրահավաքի ժամանակ։

Տիկին Զոյան կից նամակում գրել է, որ այդ դրամներն իր պապն էր թողել՝ զավակներին կրթություն տալու համար, և հիմա այդ գործի արժանի շարունակողը ՀՅԴ-ն է։

Ոսկեդրամները կփոխանցվեն ՀՅԴ թանգարան։

«Նամակը և ոսկիներն ի պահ են հանձնվել ՀՅԴ Բյուրոյի թանգարանին:

«Հարգարժան Իշխան Սաղաթելյան և Գեղամ Մանուկյան
Մեր Հայրենիքի համար վճռորոշ այս օրերին և իմ ծննդյան 70-ամյակի նախօրեին ձեր տնօրինությանն եմ հանձնում իմ պապից՝ Եղիշե Ամիրխանյանից ժառանգաբար իմ վաղամեռիկ եղբորը, քրոջս և ինձ հասած 14 փոքր ոսկիները, որը նրա պատվիրմամբ իմ տատ Սաթենիկը պետք է ծառայեցներ բացառապես իր ժառանգների կրթության գործին։
Իմ համոզմամբ այդ գործի արժանի շարունակողները այսօր դուք եք։
Ավարտում եմ Ղևոնդ Ալիշանի եղբորս սիրած «Երգ ու գնացք զորայն հայոց ընդ Վահանայ Մամիկոնենոյ
Ի Շավարշական դաշտին վրեժք
Օ՜ն անդր յառաջ»
Երգի բառերով․․․
Հ․Գ․ Պապս իր կուսակցական պատկանելիության (ՀՅԴ) համար 1930-ականներին իր կյանքի վերջին տարիները (օրերը) անցկացրել է նախ Թիֆլիսի, ապա մեզ հասած տեղեկությունների համաձայն՝ Մոսկվայի բանտերում։
Ձեր համակիր Զոյա Սանոսյան
Երևան»,- գրել է Զոյա Սանոսյանը։

Մանրամասն՝ տեսանյութում․  

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը