ԱՀԿ-ն անհանգստացած է Արցախում COVID-19-ի հիվանդությունների աճով

Լեռնային Ղարաբաղում և հարակից տարածքներում հակամարտության սրումը նպաստում է կորոնավիրուսի տարածման կտրուկ աճին և տարածաշրջանում դրա հարուցած հիվանդություններին: Այս մասին ասվում է հինգշաբթի օրը Առողջապահության համաշխարհային կազմակերպության (ԱՀԿ) Եվրոպայի տարածաշրջանային գրասենյակի տնօրեն Հանս Կլյուգեի տարածած հայտարարության մեջ:

«Սեպտեմբերի վերջից ի վեր բռնությունների պատճառով տասնյակ հազարավոր քաղաքացիական անձինք տեղահանվեցին, հարյուրավորները վիրավորվեցին և սպանվեցին: Մենք խորապես ցավակցում ենք հակամարտությունից տուժած տարածքների յուրաքանչյուր ընտանիքի և յուրաքանչյուր բնակչի», - ասել է նա: Ռազմական գործողությունները նպաստում են COVID-19- ի տարածման կտրուկ աճին: Բռնության շարունակական ցիկլերը և բնակչության հետագա տեղահանումը կխորացնեն առանց այդ էլ անորոշ առողջական վիճակը»:

Տնօրենը շեշտել է, որ ռազմական գործողությունները հանգեցնում են բնակչության բժշկական օգնության տրամադրման խաթարմանը, և լրացուցիչ բեռ են դնում արդեն ծանրաբեռնված առողջապահական համակարգի վրա: