COVID-19-ի բուժման գործում գիտական բեկում է գրանցվել․ ԱՀԿ

COVID-19-ի բուժման համար Մեծ Բրիտանիայում դեքսամետազոնի ստերոիդի կլինիկական փորձարկումները դարձել են գիտական բեկում. այս մասին հայտարարել է Առողջապահության համաշխարահյին կազմակերպության գլխավոր տնօրեն Թեդրոս Գեբրեյեսուսը. գրում է ՌԻԱ «Նովոստի»-ն։

Նա նշել է՝ Օքսֆորդում անցկացված հետազոտությունը ցույց է տվել, որ հակաբորբոքային դեղամիջոց դեքսամետազոնը նվազեցնում է թոքերի արհեստական օդափոխության սարքերին միացված հիանդների մահվան ռիսկը 35 տոկոսով, իսկ թթվածին ստացող հիվանդների մոտ՝ 20 տոկոսով։ Այս առչությամբ Մեծ Բրիտանիայի իշխանությունները հունիսի 16-ին հավանություն են տվել COVID-19-ի բուժման համար դեքսամետազոնի օգտագործմանը։

«Սա առաջին դեղամիջոցն է, որը ցույց է տվել մահացության մակարդակի նվազում կորոնավիրուսով հիվանդների շրջանում, որոնց անհրաժեշտ է թթվածնային բուժում կամ թոքերի արհեստական օդափոխություն», -նշել է Գեբրեյեսուսն ու փորձարկումերի արդյունքներն անվանել է «հիանալի նորություն»։

Նշվում է՝ բրիտանացի բժիշկների հայտնագործության մասին հայտնել է նաև Մեծ Բրիտանիայի վարչապետ Բորիս Ջոնսոնը։