Ադրբեջանի կողմից LORA-ի կիրառումը ցույց է տալիս, որ 6 օրում ադրբեջանական բանակը ոչ մի հաջողության չի հասել

Razm.info մասնագիտացված հարթակը քիչ առաջ տեղեկացրեց, որ Ադրբեջանը կիրառել է իր սպառազինությունում եղած հայտնի ամենախոշոր տրամաչափի՝ իսրայելական LORA օպերատիվ-մարտավարական հրթիռային համալիրը:

Ադրբեջանը միակ երկիրն է (բացի արտադրող երկրից), որի սպառազինությունում գտնվում են իսրայելական նման համալիրներ:

Բելառուսական «Պոլոնեզ»-ների հետ, որոնցից, ի դեպ, դարձյալ միայն կա ադրբեջանական սպառազինությունում (արտադրողից բացի), LORA-ն (LOng-Range Artillery) համարվում է ադրբեջանական բանակի գլխավոր զենքը:

Հայկական երկու պետությունների դեմ սանձազերծած պատերազմի ընթացքում նման զենքի կիրառումը ցույց է տալիս, որ ադրբեջանական ծրագրերը ձախողվել են, և կիրառում են արդեն իրենց սպառազինության վերջին հույսը:

Ա. Եղիազարյան