ՌԴ-ում վերջին 24 ժամվա ընթացքում հայտնաբերվել է կորոնավիրուսով վարակման 4 993 դեպք

Ռուսաստանում կորոնավիրուսով վարակվածների թիվն անցած օրվա ընթացքում ավելացել է 4.993 մարդով, վարակվածների ընդհանուր թիվը հասել է 995 319-ի. հայտնում է ՏԱՍՍ գործակալությունը:

Նշվում է, որ երկրում կորոնավիրուսից ապաքինված հիվանդների թիվը վերջին օրվա ընթացքում ավելացել է 2 405-ով, ընդհանուր առմամբ բուժվել է 809 387 մարդ: Շտաբի տվյալներով՝ ապաքինվածների մասնաբաժինը գերազանցել է վարակվածների ընդհանուր թվի 81.3 տոկոսը:

Հիշեցնենք՝ Ռուսաստանում անցած օրվա ընթացքում կորոնավիրուսի պատճառով մահվան դեպքերի թիվն ավելացել է 83-ով` նախորդ օրվա 68 դեպքի համեմատ, կորոնավիրուսային վարակից, ընդհանուր առմամբ, մահացել է  17176 մարդ: