Չինաստանում վերջին մեկ օրվա ընթացքում կորոնավիրուսով վարակման 7 դեպք է հայտնաբերվել

Անցած օրվա ընթացքում Չինաստանում կորոնավիրուսով վարակման 7 դեպք եւ հիվանդության 29 ասիմպտոմատիկ կրող է գրանցվել, 9 հիվանդ է առողջացել է, մահվան դեպքեր չկան. այս մասին գրում է ՌԻԱ «Նովոստի»-ն՝ Չինաստանի առողջության պետական կոմիտեի հաղորդագրությանը հղումով։

Նշվում է՝ բոլոր նոր դեպքերը ներկրված են. հինգը՝ Ներքին Մոնղոլիայի ինքնավար շրջանում, մեկը՝ Շանհայում, եւ մեկը՝ Ֆուցզյան նահանգում:

Հիշեցնենք՝ Չինաստանում համավարակի ընթացքում գրանցվել է կորոնավիրուսով վարակման 82992 դեպք, վերականգնվել է 78.227 մարդ, 81-ը դեռ հիվանդանոցներում է, 4.634 մարդ մահացել են: Ներմուծված դեպքերը 1731-ն են, 1685 մարդ առողջացել է: