ԱՄՆ-ն և Ճապոնիան զենք են ստեղծում ընդդեմ ռուսական հրթիռների

ԱՄՆ-ն և Ճապոնիան նախատեսում են մինչև 2020-ականների կեսեր տեղակայել  արբանյակների լայն ցանց՝ հաջորդ սերնդի հրթիռները հայտնաբերելու և հետևելու համար, ներառյալ նրանք, որոնք օգտագործում են գերձայնային տեխնոլոգիա: Այս մասին հայտնում է Nikkei թերթը:

Նշվում է, որ նախագիծը կարժենա մոտ 9 միլիարդ դոլար, կողմերը մտադիր են մոտ ապագայում մշակել համագործակցության մանրամասները:

Վաշինգտոնը ակնկալում է մոտավորապես հազար փոքր դիտորդական սարքեր տեղակայել՝ 300-ից 1000 կմ բարձրությունների վրա գտնվող ուղեծրով: Միևնույն ժամանակ, դրանցից 200-ը հագեցած կլինեն ինֆրակարմիր ցուցիչներով՝ հրթիռները հայտնաբերելու համար:

Ըստ թերթի՝ առաջին 30 փորձարարական արբանյակները կգործարկվեն 2022 թվականին: