Ճապոնիան դիտարկում է Կյուսյու կղզում հեռահար հրթիռների տեղակայման հնարավորությունը. Kyodo

Ճապոնիան դիտարկում է հարավարևմտյան Կյուսյու կղզում հեռահար հրթիռներ տեղակայելու հարցը՝ որպես արտակարգ իրավիճակում հակառակորդի թիրախները խոցելու «պատասխան հարվածի հնարավորություն», հայտնում է Kyodo-ն՝ հղում անելով կառավարական աղբյուրներին:

Տեղակայումը, որը նախատեսվում է սկսել հաջորդ ֆինանսական տարվա վերջին՝ 2026 թվականի մարտին, ուղղված է հարավարևմտյան Նանսեյ կղզիների անվտանգության ամրապնդմանը, որը ռազմավարական նշանակություն ունի Թայվանին մոտ լինելու պատճառով՝ այն մտավախությունների պայմաններում, որ կղզին կարող է գրավել Չինաստանը, գրում է ճապոնական լրատվամիջոցը:

Իշխանությունները գնահատում են տեղակայման հնարավոր վայրերը, իսկ տեղի բնակիչները մտահոգված են, որ կարող են թշնամու հարձակման թիրախ դառնալ, հայտնել են աղբյուրները:

Աղբյուրները նշում են, որ Օկինավա հարավային կղզու պրեֆեկտուրան, որն ավելի մոտ է մայրցամաքային Չինաստանին, դժվար թե հրթիռների տեղակայման վայր դառնա, քանի որ դա կարող է լարվածություն առաջացնել Պեկինի հետ հարաբերություններում:

Տեղակայվելիք հրթիռները ԱՄՆ զինված ուժերի  Type-12 «երկիր-նավ» կառավարվող հրթիռի արդիականացված տարբերակն են՝ 1000 կիլոմետր ավելացված հեռահարությամբ:a