Մենք պետք է մտածենք ոչ թե «այֆոնով», այլ ուղեղով. Լուկաշենկո

Բելառուսի նախագահ Ալեքսանդր Լուկաշենկոն հորդորել է ստեղծված իրավիճակում իրազեկ որոշումներ կայացնել՝ չվստահելով միայն ինտերնետում որոշ աղբյուրներից ստացված տեղեկատվությանը: Այս մասին Բելառուսի պետության ղեկավարն ասել է MAZ-ի աշխատողների հետ հանդիպմանը. հայտնում է Բելառուսի պետական BelTA գործակալությունը:

Ալեքսանդր Լուկաշենկոն մասնավորապես նշել է բազմաթիվ ապատեղեկատվություններ անշարժ գույքի և հաշիվների վերաբերյալ, որոնք իբր իրեն են պատկանում. «Հետևաբար, ես ասում եմ՝ գտեք և վերցրեք։ Այսօր մենք պետք է մտածենք ոչ թե այֆոնով, այլ մեր ուղեղով: Մտածեք», - ասել է Լուկաշենկոն: 

Նա նաև վստահություն է հայտնել, որ այժմ անհրաժեշտ է հանգիստ, հավասարակշռված որոշումներ կայացնել, որոնք ուղղված կլինեն իրավիճակի կայունացմանը: