ՈՒՂԻՂ․ Մշակույթն ու արվեստը կօգնեն ավելի հեշտ հաղթահարել սոցիալ-հոգեբանական կուտակված լարվածությունը․ Տիգրան Ավինյան

ՀՀ Ազգային ժողովում ընթանում է հատուկ նիստը, որի ընթացքում քննարկվում է Հայաստանում մարտի 16-ից հայտարարված արտակարգ դրությունը եւս մեկ ամսով երկարաձգելու հարցը։

ՀՀ փոխվարչապետ, պարետ Տիգրան Ավինյանը նիստի ընթացքում հույս հայտնեց, որ  այս անգամ  Հայաստանում հայտարարված արտակարգ դրությունը երկարաձգվում է վերջին անգամ․ «Հուսով եմ՝ այսօր արտակարգ դրությունը երկարաձգվում է վերջին անգամ: Այսօր երկրում համաճարակաբանական վիճակը գնահատում ենք միջինից դեպի թեթև ընթացող ծանրության: Առողջապահական համակարգի տեսանկյունից իրավիճակը լիովին վերահսկելի է: Բացարձակ թվերով օրական հաստատվող նոր դեպքերի թիվը դեռևս համարում ենք բարձր՝ միջինում շուրջ 100-200 հոգի»,- ասաց Ավինյանը:

Սահմանափակումների մեղմացում է կատարվել նաեւ արվեստի բնագավառում․ «Գրադարանները եւ թանգարանները եւս վերաբացվելու են, իսկ թատերահամերգային միջոցառումներն էլ թույլատրվում են միան բաց տարածքներում։ Մշակույթն ու արվեստը կօգնեն ավելի հեշտ հաղթահարել կորոնավիրուսով պայմանավորված սոցիալ-հոգեբանական կուտակված լարվածությունները»,- հույս հայտնեց Տ․ Ավինյանը։

Իրադարձությանը կարող եք հետևել ուղիղ հեռարձակմամբ․