ԱԺ նախագահը սոցիալ-տնտեսական լարվածությունը չի զգում

«Ես գտնում եմ, որ որեւէ սոցիալական լարվածություն չկա, ուղղակի կա համաշխարհային ֆինանսական-տնտեսական ճգնաժամ»,- այսօր լրագրողների հետ հանդիպման ժամանակ ասաց ԱԺ նախագահ Հովիկ Աբրահամյանը:

Նրա կարծիքով՝ եգիպտոսյան ալիքը մեր երկրում չի բարձրանա:

Գազի եւ այլ ապրանքների թանկացմանը վերաբերող հարցին Հովիկ Աբրահամյանն պատասխանեց. «Դուք ենթադրություններով եք խոսում` գազի աճ եւ այլն: Ես խոսում եմ այսօրվա իրականության մասին: Եվ ուզում եմ ասել, որ վերջին 2-3 տարիների ընթացքում որեւէ սոցիալական ծրագիր չի կրճատվել»:

Սակայն նկատենք, որ ապրանքների գների բարձրացման վերաբերյալ հենց պաշտոնական տվյալներ են հաղորդվում, եւ  դրանք անհիմն ենթադրություններ չեն: