ՌԴ-ն, կորոնավիրուսից հետո առաջին անգամ, սահմանը կբացի այլ երկրի հետ

Մոտ օրերս Ռուսաստանը սահմանը կբացի Բելառուսի հետ և այդ երկրի հետ կվերականգնի օդային և երկաթուղային հաղորդակցությունը. այս մասին հայտարարել է Բելառուսի վարչապետ Ռոման Գոլովչենկոն՝ իր ռուս գործընկերոջ հետ հանդիպումից հետո, գրում է «ԲԵԼՏԱ» լրատվական գործակալությունը:

Այսպիսով, Բելառուսը կլինի առաջին երկիրը, որի հետ Ռուսաստանը բացում է սահմանները նոր տեսակի կորոնավիրուսի համավարակի բռնկումից հետո:

Հիշեցնենք՝ Ռուսաստանը արտաքին ցամաքային սահմանների փակման մասին հայտարարել է մարտի վերջերին: Մոսկվայի և Մինսկի միջև շարունակվել են «Բելավիա» ավիափոխադրողի կանոնավոր թռիչքները, բայց դրանք դադարել են հուլիսի սկզբին: