Վրաստանը սահմանը կբացի, սակայն ոչ բոլոր երկրների համար

Վրաստանի հիվանդությունների կանխարգելման  ու հանրային առողջության կենտրոնի տնօրեն Ամիրան Գամկղրելիձեի խոսքով՝ Վրաստանը դեռևս զբոսաշրջիկներ չի ընդունելու կորոնավիրուսից շատ տուժած երկրներից. այս մասին նա հայտնել է Facebook Live ձևաչափով եթերի ընթացքում։

Երկրի գլխավոր համաճարակաբանն ասել է, որ 10 օրվա ընթացքում պարզ կդառնա՝ ինչպիսին է լինելու զբոսաշրջիկներին ընդունելու ու նրանց նկատմամբ համաճարակային հսկողության կարգը:

Ավելի վաղ հայտնել ենք, որ արդեն հայտարարվել է, որ հունիսի 15-ին մեկնարկում է ներքին զբոսաշրջության սեզոնը, իսկ հուլիսի 1-ից Վրաստանը պատրաստ կլինի նաև օտարերկրյա հյուրեր ընդունել՝ ոչ բոլոր երկրներից: Վրաստանը դեռևս պատրաստ չէ այցելուներ ընդունել վարակից խիստ տուժած երկրներից: