Եգիպտոսի իշխանությունները դատապարտել են Թուրքիային և Իրանին՝ Իրաքը հրթիռակոծելու համար

Եգիպտոսի իշխանությունները դատապարտում են թուրքական և իրանական զորքերի կողմից Հյուսիսային Իրաքում տարածքների հրետակոծումը. ասվում է երկրի ԱԳՆ կայքում։

Կահիրեն նշում է, որ նման քայլերը միայն խորացնում են ճգնաժամը տարածաշրջանում: Եգիպտոսի իշխանությունները նաև շեշտում են, որ Իրաք ներխուժումը խախտում է միջազգային իրավունքը երկրների ինքնիշխանության վերաբերյալ:

Ինչպես ավելի վաղ հաղորդել էինք՝ հունիսի 15-ին Թուրքիան նոր գործողություն է սկսել իրաքյան քրդերի դեմ ՝ «Ճանկ-վագր» անվան տակ և զորքեր ուղարկել երկրի հյուսիսում գտնվող մի շարք շրջաններ: Հունիսի 17-ին իրանական ուժերը ռմբակոծել են Իրաքի հետ սահմանին գտնվող մի քանի գյուղեր: