Իրաքը դարձյալ մեղադրել է Թուրքիային՝ երկրի օդային տարածքը խախտելու համար

Իրաքը քրդական Մահմուր քաղաքում գտնվող քրդական ճամբարի վրա թուրքական ավիահարվածը որակել է որպես Իրանի սահմանների խախտում։ Թուրքիան օդային հարված է հասցրել ապրիլի 15-ին. հայտնում է Kurdistan.ru կայքը։

Իրաքի Ազգային անվտանգության ծառայության հայտարարության մեջ նշվում է, որ օդային հարվածը հասցրել է նրան, որ ճամբարից հարկադրաբար փախել են կին-փախստականները։

Թուրքական կործանիչները երեքշաբթի և չորեքշաբթի հրթիռակոծել էին Իրաքյան Քուրդիստանի մի քանի շրջաններ, ենթադրաբար հարվածներ հասցնելով Քուրդիստանի աշխատավորակա  կուսակցության՝ PKK-ի դիրքերին։

Երեկ քրդական աղբյուրները նաև տեղեկություններ էին հրապարակել, ըստ որի Թուրքիայի հարավ-արևելյան շրջաններում ոչնչացվել է մեկ թուրք զինվոր, ինչը ժամեր անց հաստատվել է Թուրքիայի ՊՆ կողմից։

Նշենք, որ Թուրքիան բազմիցս է խախտում Իրաքի սահմանները՝ պատճառաբանելով, որ Իրաքի հյուսիսում գտնվող լեռներում ծվարած քրդերը իրենց հենակետերից հարվածներ են հասցնում Թուրքիային։ Վերջին մի քանի տարիներին Թուրքիան Իրաքի հյուսիսում ձեռնարկում է «Մագիլ» կոչվող ռազմական օպերացիան։