Իրաքը զգուշացնում է Թուրքիային

Իրաքը շարունակում է պահանջել Թուրքիայից՝ Բաշիքա շրջանից հանել իր զորքերը. տեղեկացնում է Ermenihaber-ը:

Ըստ թուրքական «NTV» լրատվական կայքի` Թուրքիայում Իրաքի  դեսպան Հիշամ Ալի Էքբերը Իբրահիմ էլ Ալևին Հյուսիսային Իրաքում գործող հեռուստաընկերություններից մեկի եթերում ասել է. «Թուրքիան պետք է հարգանք ցուցաբերի Իրաքի տարածքային ամբողջականության նկատմամբ: Բաշիքա շրջանում թուրք զինվորների ներկայությունը անօրինական է: Եթե Թուրքիան հետքայլ չանի, մենք այլ դիրքորոշում կորդեգրենք»:

Հիշեցնենք, որ թուրքական զորաջոկատները, առանց Իրաքի կենտրոնական իշխանությունների թույլտվության, ներխուժել են Իրաքի Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջանը: Այնտեղ նրանք հաստատվել են իրենց կողմից ավելի վաղ ռազմակայանում: Թուրքական կողմի պնդմամբ` իրենց այնտեղ գտնվելու նպատակը Իրաքի Քուրդիստանի զինված ուժերի` փեշմերգայի զորաջոկատները մարզելն է: