25 04 2024
|
||
---|---|---|
EUR | ⚊ | 416.73 |
GBP | ⚊ | 485.98 |
GEL | ⚊ | 144.6 |
RUB | ⚊ | 4.22 |
USD | ⚊ | 388.6 |
Իրաքի իշխանությունները պաշտոնական ներողություն են պահանջել Թուրքիայից Սուլեյմանիյա քաղաքի քաղաքացիական օդանավակայանի դեմ հարձակման համար։ Այս մասին ասվում է Իրաքի նախագահականի տարածած հաղորդագրության մեջ։
Նշվում է, որ ապրիլի 7-ին օդանավակայանի մոտակայքում պայթյուն է որոտացել, ինչի պատճառով բռնկվել է հրդեհ, որը հնարավոր է եղել կարճ ժամանակում մարել։ Միջադեպի հետևանքով զոհեր կամ վիրավորներ չեն եղել, սակայն արաբական կողմի աղբյուրների համաձայն՝ պայթյունի պատճառը թուրքական ԱԹՍ-ի հարձակումն է եղել։ Իրաքյան «Ալ-Հադաս» հեռուստաալիքի տվյալներով՝ պայթյունի պահին օդանավակայանի տարածքում կարող էր լինել Թուրքիայի դեմ գործող՝ քրդական «Ժողովրդավարական Սիրիայի ուժեր»-ի հրամանատար Մազլում Աբդին։
«Մենք խստորեն դատապարտում ենք այս հարձակումներն Իրաքի և նրա ինքնիշխանության դեմ, չկա որևէ իրավական հիմնավորում, որը թույլ կտա Թուրքիային շարունակել ահաբեկել քաղաքացիական բնակչությանը՝ պատճառաբանելով, թե իրաքյան հողի վրա կան իրենց դեմ գործող ուժեր»,- ասվում է Իրաքի նախագահականի «Թվիթեր»-ի էջում հրապարակված հայտարարության մեջ։