Իրաքը մեղադրել է Թուրքիային երկրի ինքնիշխանությունը խախտելու մեջ

Իրաքի համատեղ օպերատիվ հրամանատարությունը դատապարտել է Թուրքիայի ագրեսիվ գործողությունները Հյուսիսային Իրաքում՝ ուղղված Քրդստանի աշխատավորական կուսակցությանը. այս մասին նշվում է գերատեսչության հայտարարության մեջ:

«Մենք ցավում ենք, որ թուրքական ինքնաթիռները ներխուժել են Իրաքի օդային տարածք», - ասվում է հայտարարության մեջ:

Հայտարարության մեջ, ապստամբների դիրքերին Թուրքիայի հարձակումները նկարագրվում են որպես սադրիչ, իսկ օդային տարածքի խախտումը դիտվում է որպես Իրաքի ինքնիշխանության խախտում:

Հիշեցնենք, որ ավելի վաղ, Թուրքիայի զինված ուժերը հայտարարել էին Իրաքում քուրդ ապստամբների դեմ «Ճանկ-Արծիվ» հատուկ գործողության սկսման մասին: Երկրի ռազմաօդային ուժերն արդեն հարվածել են PKK- ի տասնյակ օբյեկտներին: