Ուկրաինայի Գերագույն դատարանը կքննի Զելենսկու՝ կարանտինի խախտման գործը

Խմելնիցկիի շրջանի դատարանը կասեցրել է վարչական գործը նախագահ Վլադիմիր Զելենսկու կողմից կարանտինի կանոնների խախտման վերաբերյալ և դիմել է Ուկրաինայի Գերագույն դատարան. հայտնում է UNIAN-ը:

Գերագույն դատարանը պետք է ճշտի՝ հնարավո՞ր է վարչական պատասխանատվության ենթարկել նախագահին, ով Սահմանադրությամբ անձեռնմխելի անձ է:

Հունիսի 3-ին Զելենսկին խախտել է կորոնավիրուսի համաճարակի պատճառով կիրառված կարանտինային կանոնները: Նա սուրճ է խմել Խմելնիցկիի ռեստորաններից մեկի ներսում, չնայած այդ ժամանակ սննդի հաստատությունները կարող էին աշխատել միայն առաքումով կամ հյուրերին սպասարկել ամառային վայրերում: Մշակվել է վարչական արձանագրություն և ներկայացվել դատարան: Զելենսկուն սպառնում է տուգանք՝ 34 հազարից մինչև 170 հազար գրիվեն: Նախագահին աջակցել է Ուկրաինայի գլխավոր պետական սանիտարական բժիշկ Վիկտոր Լյաշկոն՝ ասելով, որ նա չի խախտել կարանտինի կանոնները, այլ ստուգել է դրանց իրականացմանը: