Ուկրաինայի առողջապահության նախարարը կարանտինի ժամանակ քաղաքացիների պահվածքն անվանել է անարխիա

Ուկրաինայի առողջապահության նախարար Մաքսիմ Ստեպանովը կարանտինի ժամանակ քաղաքացիների պահվածքն անվանել է անարխիա:

Այս մասին տեղեկացնում է «ՌԻԱ Նովոստի»-ն:

«Ես կարծում եմ, այս աճը (կորոնավիրուսով վարակման դեպքերի-խմբ.) կանգնեցնելու համար անհրաժեշտ է հետամուտ լինել նախարարության հորդորներին: Մեր կողմից խորհուրդ տրված անվտանգության կանոնների պահպանման տեսանկյունից երբեմն անարխիա է տիրում: Պետք է տեսնել, թե  ինչ է կատարվում փողոցում, ռեստորաններում, ակումբներում, բարերում, լողափերին: Այս պայմաններում դժվար է զսպել կորոնավիրուսային հիվանդությունը»,- ասել է նախարարը:

Համաձայն հանրային առողջության կենտրոնի` Ուկրաինայում կորոնավիրուսով հիվանդացության մակարդակը մայիսի 18-ից հունիսի 18-ն ընկած ժամանակահատվածում աճել է 80 տոկոսով: