Ինչ պայմանով ԼՀԿ-ն կմիանա ԲՀԿ-ի՝ քննիչ հանձնաժողով ստեղծելու որոշմանը

«Բարգավաճ Հայաստան» խմբակցությունից գրություն ենք ստացել՝ կորոնավիրուսի հարցով ԱԺ քննիչ հանձնաժողով ստեղծելու վերաբերյալ: Այս մասին այսօր, լրագրողների հետ զրույցում ժ ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը: Մարուքյանը հայտնեց, ԲՀԿ-ին չեն հայտնել իրենց դիրքորոշումը: «Կմիանանք ԲՀԿ-ի՝ քննիչ հանձնաժողով ստեղծելու որոշմանը, եթե հանձնաժողովի ղեկավարը լինի ԼՀԿ-ից, որովհետև մենք ենք առաջին անգամ խոսել այդ հարցով քննիչ հանձնաժողովի ստեղծման անհրաժեշտության մասին: Կարող եք նայել, դեռ մեկ ամիս առաջ մենք այդ մասին ասել ենք»,-ասաց նա: Մարուքյանի խոսքով՝ արդար կլինի, որպեսզի այդ հանձնաժողովը ղեկավարի ԼՀԿ ներկայացուցիչը:

Հիշեցնենք, որ «Բարգավաճ Հայաստան» կուսակցությունը մտադիր է երկու նոր նախաձեռնությամբ հանդես գալ՝ կորոնավիրուսի դեմ իշխանությունների պայքարի արդյունավետությունը գնահատելու համար ձևավորել ԱԺ քննիչ հանձնաժողով և դիմել ՍԴ՝ հավաքների ազատությունը սահմանափակելու որոշման սահմանադրականությունը վիճարկելու համար։

Մանրամասները՝ տեսանյութում.