ԱԺ-ն ընդունեց քննիչ հանձնաժողով ստեղծելու որոշում

Թեժ քննարկումներից հետո ԱԺ-ն ձայների մեծամասնությամբ ընդունեց  քննիչ հանձնաժողով ստեղծելու մասին որոշում: Քննիչ հանձնաժողով կստեղծվի արդարադատության իրականացմանը խոչընդոտելու, արդար դատաքննության իրավունքի և հեռախոսային խոսակցությունների գաղտնիությունը խախտելու փաստերի ուսումնասիրության նպատակով:

Հանձնաժողովի ստեղծման հարցն ընդունվեց ձայների` 47 կողմ, 14 դեմ հարաբերակցությամբ:

Հանձնաժողովի կազմում են ընդգրկվելու 5 անդամ ՀՀԿ խմբակցությունից, 3 անդամ` «Ծառուկյան» դաշինքից, 2-ը՝ «Ելք»-ից և 1-ը՝ ՀՅԴ-ից:

ԱԺ նախագահ Արա Բաբլոյանն նշեց, որ իրեն չեն ներկայացրել՝ ովքեր են ընդգրկվելու հանձնաժողովի կազմում: Նա ասաց, որ խմբակցություններն իրենք կհնչեցնեն անունները: