Բելառուսը մեղադրել է Լիտվային` օդային տարածքը խախտելու փորձ կատարելու մեջ

Լիտվան փորձել է խախտել Բելառուսի օդային տարածքը. հայտնում է հանրապետության Պաշտպանության նախարարությունը Telegram-ի իր ալիքով:

Օգոստոսի 23-ի երեկոյան Բելառուսի ռազմաօդային ուժերը հերթապահ զորքերը և հակաօդային պաշտպանության ստորաբաժանումները կանխել են «սադրանքը» Օշմյանի շրջանի Վոլկովշինա բնակավայրի տարածքում. հարակից տարածքից գործարկվել է հակապետական խորհրդանիշներով ութ օդապարիկ, նշվում է գերատեսչության հաղորդագրության մեջ:

Նախարարությունը հավելել է, որ «Մի -24» ուղղաթիռների անձնակազմի գործողությունների շնորհիվ օդապարիկների թռիչքը կասեցվել է առանց զենքի օգտագործման: Դեպքի մասին տեղեկատվությունը ուղարկվել է Արտաքին գործերի նախարարություն` «լիտվական կողմին նոտա ուղարկելու համար»:

Ավելի վաղ Բելառուսի Պաշտպանության նախարարությունը հայտարարել էր երկրի սահմանների մոտ օտարերկրյա ինքնաթիռների ակտիվության մասին: Ի պատասխան դրան, Ալեքսանդր Լուկաշենկոն հայտարարել է, որ հանրապետությունը կարձագանքի պետական սահմանը խախտողներին՝ առանց նախազգուշացման:

Նշենք, որ երկրում չեն դադարում բողոքի ցույցերն ընդդեմ վերընտրված նախագահ Ալեքսանդր Լուկաշենկոյի, ով միանձնյա երկիրը ղեկավարում է 26 տարի: