Բրիտանիան, Ֆրանսիան և Գերմանիան Իրանին պաշտոնապես մեղադրել են ԳՀՀԾ պայմանները խախտելու մեջ. Reuters

Մեծ Բրիտանիան, Ֆրանսիան և Գերմանիան Իրանին պաշտոնապես մեղադրել են իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) պայմանները խախտելու մեջ, որը կարող է հանգեցնել կրկին ՄԱԿ պատժամիջոցների սահմանման, որոնք հանվել էին միջուկային գործարքի կնքնման հետևանքով. ըստ Yerkir.am-ի՝ գրում է Reuters լրատվական գործակալությունը:

ԶԼՄ-ի տեղեկություններով՝ պետությունները հայտարարություն են տարածել առ այն, որ «գործում են հանուն ճգնաժամից խուսափելու, որն առաջացել էր միջուկային զենքի տարածմամբ, ինչն էլ հանգեցրել էր Մերձավոր Արևելքում իրավիճակի սրման»:

Միևնույն ժամանակ Եվրոպական երկրները հայտնել են նաև, որ դեռևս ցանկություն ունեն պահպանել Թեհրանի հետ կնքած ԳՀՀԾ հաջողությունը և չեն միանում ԱՄՆ նախագահ Դոնալդ Թրամփի վարչակազմի «առավելագույն ճնշման» արշավին, որը ԳՀՀԾ-ից դուրս էր եկել 2018 թվականին ու Իրանի դեմ սահմանել տնտեսական պատժամիջոցներ:

Այսպիսով՝ երկրները գործարկել են ԳՀՀԾ իրականացման շրջանակում վեճերի կարգավորման մեխանիզմը: