Մայիսի 28-ը հարյուրամյա իմաստնությամբ եկել է ասելու՝ պահպանե՛ք «Զարգանալ՝ չզիջելով» ուղեգիծը. ՀՅԴ Լոռու կառույցը նշել է Առաջին Հանրապետության տոնը

Սիրելի' հայրենակիցներ,

ՀՅԴ Լոռու մարզային կառույցը շնորհավորում է  Հայաստանի Առաջին Հանրապետության  հիմնադրման 102-ամյակի առթիվ:

1918 թվականի մայիսի 28-ը բեկումնային դարձավ մեր ժողովրդի բազմադարյա պատմության մեջ և արմատապես փոխեց նրա ընթացքը:

Ծանր ու բարդ աշխարհաքաղաքական և սոցիալ-տնտեսական պայմաններում Հայաստանի Առաջին Հանրապետությունը չնայած գոյատևեց շատ կարճ, սակայն մեծ ժառանգություն և պատմական դաս հանդիսացավ սերունդների համար:

Այսօր առավել, քան երբևէ, մենք պարտավոր ենք միասնաբար ու համատեղ ուժերով պահել  ու փայփայել մեր ձեռքբերումները` ամեն ինչից վեր դասելով պետական եւ ազգային շահերը:

Մենք այն սերունդն ենք, որը հնարավորություն է ստացել հաջորդ սերունդներին փոխանցել ավելին, քան ստացել է: Հակառակի իրավունքը մենք պարզապես չունենք: Հակառակի համար պատմությունը մեզ չի ների:

Մայիսի 28-ը հարյուրամյա իմաստնությամբ եկել է ասելու՝ պահպանե'ք «Զարգանալ՝չզիջելով» ուղեգիծը. _ Լրջացե՛ք:

Այս տոնական օրը մեկ անգամ ևս շնորհավորում ենք մեր ժողովրդին՝ Հայաստանի Հանրապետության, Արցախի եւ Սփյուռքի հայրենակիցներին, Հայաստանի առաջին  Հանրապետության ստեղծման 102-ամյակի առթիվ:

ՀՅԴ Լոռու Մարզային կոմիտեություն