ՄԱԿ-ի գլխավոր քարտուղարը կոչ է արել Լիբիայի հակամարտության կողմերին անհապաղ ձեռնամուխ լինել բանակցությունների

ՄԱԿ-ի գլխավոր քարտուղար Անտոնիա Գուտիերեշը կոչ է արել Լիբիայի հակամարտության կողմերին անհապաղ անցնել երկխոսության՝ խնդրի՝ քաղաքական ճանապարհով լուծման համար. այս մասին հայտարարել է Գուտիերեշի պաշտոնական ներկայացուցիչ Սթեֆան Դյուժարիկը. հայտնում է «ՌԻԱ Նովոստին»։

Ըստ ներկայացուցչի՝ Գուտիերեշը դատապարտել է Տրիպոլիի Իտալիայի և Թուրքիայի դեսպանատների մոտակայքում հարձակումը, ինչպես նաև ցանկացած քաղաքացիական շրջանների վրա հարձակումը։

Դյուժարիկը նշել է, որ Լիբիայում ՄԱԿ-ի մշտական ներկայացուցիչը կոչ է արել Ռամադան ամսին հրադադար սահմանել, իսկ ՄԱԿ-ի ներկայացուցչությունը Լիբիայում կշարունակի փաստաթղթավորել խախտումները՝ ՄԱԿ-ի ԱԽ կամ Միջազգային քրեական դատարան ուղարկվելու համար։