Կոստանդնուպոլսի 1500-ամյա բյուզանդական պարիսպների մի մասը փլուզվել է

Ստամբուլի Թոփքափը թաղամասի Սուլուքուլե փողոցի վրա գտնվող բյուզանդական պատմական պարիսպների մի մասը փլուզվել է. այս մասին Yerkir.am-ը տեղեկանում է  greekcitytimes.com կայքից։

Ըստ կայքի՝ ոստիկանության և փրկարար ծառայության աշխատակիցները ժամանել են դեպքի վայր։ Փլուզման հետևանքով զոհեր կամ վիրավորներ չկան։

Կայքը նշում է, որ զարմանալի չէ պատմական կոթողի փլուզումը՝ հաշվի առնելով այն հանգամանքը, որ ոչ մի ռեստավրացիոն-վերականգնողական աշխատանքներ չեն կատարվել պարիսպը կանգում պահելու համար։

Թեոդոսիան պարիսպը կառուցվել է 5-րդ դարում, այսինքն դրանք մոտ 1500 տարեկան են։ Չնայած դրա պատմական արժեքին, ըստ կայքի, Թուրքիան քիչ ջանք է ձեռնարկել դրանք փրկելու և պահպանելու ուղղությամբ։