Կիպրոսում մզկիթների վրա բյուզանդական դրոշ է հայտնվել. Թուրքիան վրդովվել է

Կիպրոսի Լիմասոլ քաղաքում գտնվող Թուզլա մզկիթի վրա հայտնված բյուզանդական դրոշը վրդովմունք է առաջացրել թուրքական ԶԼՄ-ների և քաղաքական գործիչների մոտ. հայտնում է greekcitytimes.com կայքը։

Թուրքիայի փոխնախագահ Ֆուաթ Օքթայը գրառում է կատարել՝ նշելով, որ միջադեպը հունական կողմի «սադրանք» է. «Հունական վարչակազմը պետք է դադարեցնի խրախուսել հակաթուրքական և հակաիսլամական ջանքերը և պետք է անհապաղ միջոցներ ձեռնարկի կանխելու այս հիվանդ մտածողությունը»:

Թուրքական Milliyet օրաթերթի Սեֆա Քարահասանը նույնպես հայտարարել է, որ դա սադրիչ գործողություն է:

«Կիպրոսի հարավում մզկիթների վրա սադրիչ հարձակումները շարունակվում են: Լիմասոլում գտնվող Քյոփրյուլյու մզկիթի բակում Մոլոտովի կոկտեյլ նետելուց և նրա պատերին փախստականների դեմ գրություններ գրելուց հետո, այս անգամ բյուզանդական դրոշ է տեղադրվել Լառնակայի Թուզլու մզկիթի պատին», - Twitter- ում գրել է Քարահասանը:

Իդեպ սա այն նույն մզկիթն է, որը հարձակման էր ենթարկվել մի քանի օր առաջ, և նրա պատերին հակաթուրքական գրաֆիտիներ էին հայտնցել, որը կապված է Կ. Պոլսի Սբ Սոֆիա տաճարում մայիսի 27-ին իրականացված իսլամական կրոնական արարողության հետ։

Մոլոտովի կոկտեյլով հարձակումից հետո Կիպրոսի հինգ հիմնական կրոնական համայնքների՝ ուղղափառ հույների, մուսուլմանների, հայերի, մարոնացիների և լատին կաթոլիկների կրոնական առաջնորդները հանդես են եկել համատեղ հայտարարությամբ՝ դատապարտելով հարձակումը: