Կանադացի գիտնականները հակամարմին են հայտնաբերել կորոնավիրուսի դեմ դեղամիջոցի հավանական պատրաստման նպատակով. ՏԱՍՍ

Կանադացի գիտնականները հակամարմիններ են հայտնաբերել, որոնք կարող են օգնել նոր տեսակի կորոնավիրուսի դեմ դեղամիջոց ստեղծելու գործում. այս մասին տեղեկացնում է ՏԱՍՍ գործակալությունը՝  այս մասին  երկրի վարչապետ Ջասթին Թրյուդոն ամենօրյա տեսուղերձին հղումով. հայտնում է Yerkir.am-ը։

Ըստ Թրյուդոյի՝ կորոնավիրուսի դեմ պատվաստանյութի որոնմանն ուղղված ուսումնասիրությունները, որոնք ֆինանսավորում են կանադական իշխանությունները, սկսել են առաջին արդյունքները ցույց տալ:

Նա, մասնավորապես, նշել է. «Գիտնականները հակամարմիններ են հայտնաբերել, որոնք կարող են օգտագործվել  դեղամիջոցներում՝ այս վիրուսի բուժման համար»,- ու հավելել, որ արդեն հուլիսին մասնագետները կարող են սկսել դեղամիջոցի փորձարկումները մարդկանց վրա: 

Միևնույն ժամանակ կանադացի վարչապետը մանրամասնել է նաև, որ կառավարությունը հավելյալ 175 մլն կանադական դոլար (մոտ $125 մլն) կհատկացնի ընկերությանը, որի մասնագետները կատարել են այս հայտնագործությունը:

Հիշեցնենք՝ Կանադայում կորոնավիրուսով վարակման ավելի քան 57 000 դեպք է գրանցվել, մահվան 3606 դեպք: