Մի խումբ զբոսաշրջիկներ մեկ ամիս ապրել են քարանձավում` կարանտինի պատճառով չեն կարողացել հայրենիք վերադառնալ. CNN

Վեց զբոսաշրջիկ` Ուկրաինայից, Ֆրանսիայից, Թուրքիայից, Նեպալից և ԱՄՆ-ից, մեկ ամիս շարունակ բնակվել է Հնդկաստանի քարանձավներից մեկում, քանի որ կարանտինի պատճառով սահմանները փակվել են, և նրանք չեն հասցրել հայրենիք վերադառնալ. տեղեկացնում է Yerkir.am-ը`  CNN-ին հղումով:

Մինչ սահմանների փակումը` զբոսաշրջիկները բնակվել են հյուրանոցում, սակայն գումար տնտեսելու նպատակով որոշել են քարանձավ տեղափոխվել: Նեպալցի զբոսաշրջիկին հաջողվել տնտեսված գումարներով սնունդ ու այլ անհրաժեշտ պարագաներ գնել:

Հնդկական ոստիկանությունը հայտնել է, որ բոլոր զբոսաշրջիկները ներկայումս կարանտինում են, կորոնավիրուսի ախտանշաններ չունեն:

Հնդկաստանում կարանտինը գործում է  մարտի վերջից: Բնակիչներին թույլատրվում է դուրս գալ տներից միայն խիստ անհրաժեշտության դեպքում: