CNN-ը Երևանն ընդգրկել է քիչ զբոսաշրջիկներ ունեցող եվրոպական 20 լավագույն քաղաքների ցուցակում

Ամերիկյան CNN հեռուստաալիքն իր կայքում հրապարակել է եվրոպական 20 ամենագեղեցիկ քաղաքների ցուցակը, որոնք ունեն փոքր թվով զբոսաշրջիկներ. հայտնում է РИА Новости-ն:

Ցուցակում ընդգրկվել  է նաև Հայաստանի մայրաքաղաքը: Նշվում է, որ Երևանը 2800-ամյա պատմություն ունի, որը զգացվում է քաղաք այցելության ժամանակ:

«Երևանը գտնվում է Եվրոպայի արևելքում, ինչը նշանակում է, որ ճամփորդության մեկնողները հեշտությամբ մոռանում են քաղաքի մասին: Սակայն քաղաքն ունի 2800-ամյա պատմություն, այստեղ անցյալը զգացվում է անգամ առանց զբոսաշրջիկների մեծ խմբերի»,- ասվում է նյութում:

CNN-ի վարկանիշում ընդգրկվել են նաև Մինսկը, Թբիլիսին, Անտվերպենը, Անկարան, Բյորնը, Հաագան, Մալման և այլն: