Խաղաղ բնակիչները սկսել են վերադառնալ Հալեպ. ընթանում են վերականգնողական աշխատանքներ

Սիրիայի խաղաղ բնակչությունը սկսել է վերադառնալ Հալեպի էլիտար ալ-Զահրա շրջան։ Շինարարները արագացված տեմպերով վերականգնում են տներն ու ենթակառուցվածքները։ Սիրիական հակամարտության ավելի վաղ տարիների հենց այս շրջանում էր անցնում առաջնագիծը, որի պատճառով ալ-Զահրան մեծ վնասներ է կրել։ Բնակչության մեծամասնությունը լքել էր այս հողերը։ Ականազերծումից հետո այստեղ սկսվել է փողոցների մաքրումը, ենթակառուցվածքների և շինությունների վերականգնումը։

«Մենք ընդամենը երկու օր ենք աշխատել, բայց արդեն հասցրել ենք շատ բան անել։ Բնակիչները ցանկանում են ժամ առաջ վերաբնակություն հաստատել», - ռուսական «ՌԻԱ Նովոստիի» հետ զրույցում նշել է շիարարներից մեկը՝ հավելելով, որ շինարարական խմբերն այնքան զբաղված են, որ շատերն իրենց ուժերով են վերականգնում։