ԱԻՆ տեսանյութ է հրապարակել ողբերգական դեպքի մասին, որի հետևանքով 2 զոհ կա

Հայաստանի ԱԻՆ-ը տեսանյութը է հրապարակել ողբերգական դեպքի մասին, որի հետևանքով 2 զոհ կա. հայտնում է Yerkir.am-ը:

Հիշեցնենք, որ մարտի 8-ին, ժամը 20:48-ին Երեւանի Ներքին Չարբախ թաղամասի գերեզմանատան մոտակայքում 2 քաղաքացի արգելափակվել էին 3-4 մ խորությամբ փորված փոսում՝ 1 մ հողաշերտի տակ:

Պարզվել էր,որ Ներքին Չարբախ 1-ին եւ 11-րդ փողոցների խաչմերուկում ջրագծի անցկացման համար փորված մոտ 4 մ խորությամբ փոսի մոտակայքում, տեղի է ունեցել հողաշերտի փլվածք. Գարեգին Մ.-ն (ծնված 1968 թ.) եւ Գագիկ Ղ.-ն (ծնված 1982 թ.) հայտնվել են փոսում՝ մոտ 1 խմ հողաշերտի նստվածքի տակ:

Փրկարարները հողաշերտի տակից դուրս էին բերել Գարեգին Մ.-ի և Գագիկ Ղ.-ի դիերը: 

Փրկարարներն իրականացրել էին սահմանազատման աշխատանքներ: