Քննություն է ընթանում, որի արդյունքներով լրացուցիչ հայտարարություն կարվի. Անանյանը` Բագրատաշենի անցակետով ռադիոակտիվ նյութ տեղափոխելու դեպքի մասին

Ձեր մատնանշած փաստի առթիվ քննություն է ընթանում, որի արդյունքներով լրացուցիչ հայտարարություն կարվի. կառավարության նիստից հետո ԶԼՄ ներկայացուցիչների հետ ճեպազրույցում ասաց ՊԵԿ նախագահ Դավիթ Անանյանը` անդրադառնալով հարցին` արդյո՞ք մտահոգիչ չէ, որ Բագրատաշեն անցակետի՝ տեխնիկապես վերազինվելուց հետո այնտեղով ռադիոակտիվ նյութ է անցկացվում, և վրացիները կարողանում են բացահայտել, մերոնք՝ ոչ:

ՊԵԿ նախագահն ասաց, որ այս պահին հավելյալ տեղեկություն չի կարող տրամադրել:

Ավելի վաղ տեղեկացրել էինք, որ ռադիոակտիվ նյութի անօրինական տեղափոխման և մաքսային կանոնների խախտման մեղադրանքով հայ-վրացական սահմանի Սադախլո-Բագրատաշեն անցակետում Հայաստանի քաղաքացի է ձերբակալվել: