26 տարվա վաղեմության գործով դատավճիռը բեկանվել է, գործը ուղարկվել է նոր քննության

ՀՀ գլխավոր դատախազի խորհրդական Գոռ Աբրահամյանը ֆեյսբուքյան իր էջում գրառում է կատարել՝ մանրամասնելով, որ 26 տարվա վաղեմության գործով դատավճիռը բեկանվել է, գործը ուղարկվել է նոր քննության. հայտնում է Yerkir.am-ը:

Նա, մասնավորապես, նշել է. 

«ՀՀ վերաքննիչ դատարանն այսօր կայացրած որոշմամբ ամբողջությամբ բավարարել է դատախազության բողոքը՝ 26 տարվա վաղեմության՝ Արմավիրի մարզի Տարոնիկ գյուղի տարածքում գործող ռեստորանային համալիրում կատարված Մհեր Պողոսյանի սպանության գործով Աշտարակի շրջանային ժող. դատարանի կողմից կայացված դատավճիռը նոր երևան եկած հանգամանքի հիմքով բեկանելու և գործը Երևանի ընդհանուր իրավասության առաջին ատյանի դատարան նոր քննության ուղարկելու վերաբերյալ»: